'Më zhdëpte në dru', këngëtari i njohur grek akuzohet nga partnerja e tij
Këngëtari i njohur grek, Themis Adamantidis, është arrestuar pasi partnerja e tij Varvara Kirki e ka akuzuar se e rrihte.
“E doja shumë Themisin. Kisha ëndrra dhe plane për të ardhmen me të, doja të krijoja familje, por nuk ndodhi. Më kalbi në dru. Me një falje u ktheva përsëri në krahët e tij dhe pastaj përsëri ndodhi e njëjta gjë. Ne jemi në një lidhje prej një viti dhe kam duruar shumë gjatë gjithë kësaj kohe. Më dhemb shpirti… Dje u tejmbush kupa…. Gjithçka që i kam thënë policisë është e vërtetë. Ka dëshmitarë dhe video. Dua të falënderoj komandantin e AT. Alimos i cili që në momentin e parë më qëndroi në krah dhe pas padisë që bëra, Themis u arrestua. Më dhemb shpirti sinqerisht”, thotë partnerja e këngëtarit për protothema.gr.
Ndërkohë, prokuroria, sipas informacioneve, ka nisur hetimet ndaj këngëtarit dhe mbi të rëndojnë një sërë veprash penale.
Pyetjes së një gazetari “si ka qenë nata në paraburgim”, këngëtari i është përgjigjur me ironi “si e jotja, dhe më mirë” .