Lugë prej druri, enë njëpërdorimëshe në dasmë, Armina zbulon pse
Një detaj i rëndësishëm i çdo dasme është ushqimi dhe pjatat e servirura në dasmën e Arminës kishin një veçanti. Duke qenë se dasma po kremtohej në një agroturizëm i ishte vënë theksi ushqimit tradicional shqiptar.
Lugët ishin prej druri dhe enët njëpërdorimëshe. Gjatë emisionit "Goca dhe gra", Armina zbuloi dhe arsyen pse. Ajo tregoi se bashkë me Shkëlzenin donin diçka tradicionale dhe nuk dëshironin të dilnin jashtë kornizës te pjesa e ushqimit.
"Ideja jonë ishte të kishim diçka tradicionale shqiptare dhe donim ta mbanim kështu. Zgjodhëm verë shqiptare, shumë këngë shqiptare, zgjodhëm të kërcenim vallen e Tropojës, ngritëm flamurin në dasmë. Unë në rrjete sociale kam ndjekës të huaj dhe dua që ta shikojnë tamam si është tradita shqiptare. Enët njëpërdorimshme ishin zgjedhja më e mirë dhe më e thjeshtë sepse donim diçka natyrale", tha Armina.