Zbulohet bukuroshja që ia ka rrëmbyer zemrën Haaland-it

Sulmuesi i Manchester Cityt, Erling Haaland, thuhet se është në lidhje dashurie me bukuroshen Isabel Haugseng Johansen e cila po ashtu në profesion është futbolliste.

22-vjeçari nuk është i angazhuar me Kupën Botës, pasi Norvegjia nuk u kualifikua dhe tani po shijon pushimet në Spanjë me partneren 18-vjeçare.

Dyshja thuhet se e kanë njohur njëri-tjetrin prej vitesh në qytetin e tyre të lindjes pasi të dy kanë luajtur për klubin e tyre lokal të futbollit, por miqësia e tyre  me kalimin e kohës u shndërrua në romancë.

“Erling ka botën në duart e tij dhe femrat janë në radhë për të qenë partnerja e tij. Por ai është një djalosh shumë i zgjuar dhe ai është në një lidhje dashurie  me një vajzë nga qyteti i tij i lindjes, të cilën e njeh prej vitesh. Ai ka nevojë t’u besojë njerëzve në jetën e tij dhe të përqendrohet vetëm te futbolli", tha një burim për britaniken The Sun.