U tha se ASAP Rockey tradhtoi Rihannën me të, reagon shoqja e këngëtares
Ditën e sotme kudo në rrjet qarkulluan lajme sipas të cilave reperi ASAP Rockey mund të kishte tradhtuar Rihannën me mikeshën e saj, Amina Muaddi. Këto lajme u përhapën në një kohë kur Rihanna është në fund të pritjes së ëmbël.
Nisur nga kjo, Amina ka reaguar me anë të një postimi në Instastory, ku i ka cilësuar këto lajme gënjeshtra dhe të turpshme.
"Gjithmonë kam besuar se një gënjeshtër e pabazë e përhapur në mediat sociale nuk meriton ndonjë përgjigje apo sqarim, veçanërisht një gënjeshtër kaq e turpshme. Fillimisht mendova se këto thashetheme të rreme – të fabrikuara me një qëllim kaq keqdashës – nuk do të merreshin seriozisht. Megjithatë, në 24 orët e fundit më është kujtuar se jetojmë në një shoqëri që është kaq e shpejtë për të folur për tema, pavarësisht nga baza faktike dhe se asgjë nuk është jashtë kufijve", ka shkruar stilistja.
Më tej Amina ka shtuar se Rihanna po jeton periudhën më të bukur të jetës dhe se ajo ka shumë respekt dhe dashuri për familjen e saj.
"Prandaj më duhet të flas pasi kjo nuk është e drejtuar vetëm ndaj meje, por ka të bëjë me njerëz për të cilët kam shumë respekt dhe dashuri", ka shkruar ajo.