Shakira dhe Pique takohen në Miami, dalin detaje

Vizita e Gerard Pique në Miami ka qenë një nga ngjarjet më të përfolura të ditëve të fundit. Ish-futbollisti bëri udhëtimin e tij të parë në Shtetet e Bashkuara për të kaluar kohë me djemtë e tij Sasha dhe Milan, të cilët që nga fillimi i prillit jetojnë me nënën e tyre, Shakira.

Gjërat kanë shkuar mirë kur Pique mori fëmijët dhe i solli pa problem tek nëna e tyre. Pavarësisht tensionit mes ish-çiftit, gjithçka ishte normale.

“Marrëdhëniet ishin totalisht normale, fëmijët i mori dhe i solli”, thanë burime pranë dyshes.

Pique nuk do të kthehet për një kohë në Miami. Ai po përgatitet që të presë fëmijët e tij në Spanjë kur ata të mbarojnë mësimet në Miami dhe të kenë pushime.