Ndahet nga jeta modelja e 'Playboy', ish-e dashura e dy futbollistëve të njohur

Modelja e famshme e “Playboy”-it dhe ylli i televizionit britanik, Tabby Brown, është ndarë nga jeta në moshën 38-vjeçare. Modelja është e njohur edhe për lidhjen që ajo ka pasur në të shkuarën me dy futbollistë, Rahim Sterling dhe Mario Baloteli.

Ish-menaxheri i Tabit e ka konfirmuar për mediat britanike vdekjen e saj, ndërsa nuk janë bërë të ditura shkaqet e vdekjes.

Tabi Braun është rritur në jug të Londrës dhe punonte si modele për “Playboy”, ndërsa ishte bërë e njohur për shikuesit anglezë, pasi mori pjesë në spektaklin televiziv në “Channel 5” “The Bachelor”.

Ajo ka qenë pjesë e klipeve dhe spoteve të këngëve të Snoop Dogg, Dizzie Rascal e B.O.B.