Ndahet nga jeta Lucy Salani, e vetmja transgjinore e mbijetuar e kampeve naziste

Lucy Salani, një aktiviste e njohur si trangjinorja e vetme italiane që i mbijetoi kampeve të përqendrimit në Dachau, ka vdekur sot në moshën 99-vjeçare.

"Anëtarja jonë e nderit Lucy Salani nuk është më këtu. Një jetë e gjatë ku ajo përjetoi tmerrin e kampeve të përqendrimit dhe më pas lirinë”, shkroi Luca Paladini, zëdhënës i Sentinellit të Milanos dhe këshilltar rajonal Lombard i Paktit Qytetar.

E lindur si Luciano Salani në Fossano, në vitin 1924, Lucy u rrit në Bolonjë si një burrë homoseksual. Pasi dezertoi ushtrinë italiane dhe atë nazifashiste, ajo u dëbua në Dachau në vitin 1944.