Martohet Britney Spears, fotot nga dasma përrallore
Britney Spears është martuar sot me partnerin e saj Sam Asghari. Çifti mbajti një dasmë përrallore. “Revista Vogue”, ka publikuar pamjet nga dasma private ku ishin të ftuar disa personazhe VIP.
Këngëtarja kishte veshur një fustan nga Versace me një të çarë nga njëra anë dhe një vello të bardhë klasike.
Sam kishte veshur një kostum nga Versace.
Jashtë shtëpisë së çiftit, ishte vendosur një kalë i bardhë me një karrocë.
Ceremonia u zhvillua nën një tendë dhe të ftuar ishin Madonna, Selena Gomez, Drew Barrymore, Paris Hilton dhe Carter Reum, Kathy Hilton, Maria Menounos, Ansel Elgort, Will.i.am dhe Donatella Versace.
“Ne donim ta ndanim këtë moment të bukur me familjen dhe miqtë. Donim ngjyra të ngrohta dhe femërore, duke përfshirë rozën, të bardhën, kremin dhe ngjyrën e artë. Lulet dukeshin sikur të ishin hequr nga faqet e një përralle”, tha Britney për Vogue.