Nga Bota, 22 Prill 2022, 11:00

Genti tregon pse nuk pranoi transgjinoren Luana për një rol në film: Nuk të shes dot për femër

XING

Genti tregon pse nuk pranoi transgjinoren Luana për një rol në

I ftuar në “Ditë e Re” në RTV Ora, aktori Gent Zenelaj bëri me dije arsyet pse nuk e pranoi transgjinoren Luana në një rol filmi. Sipas Zenelajt, ai i ka thënë se nuk mund ta “shesë” për femër dhe nuk mund të gënjejë publikun dhe të tregohet jo i sinqertë me të.

Zenelaj: Erdhi vajza në audicione, po e quaj vajza, Luana ndodhi një incident shumë i lezetshëm, hapet dera dhe futet Luana. Të them të drejtën unë e kuptova menjëherë. I thashë urdhëro, tha kam ardhur për të marrë rolin e amerikanes dhe unë i thashë nuk ta jap dot. Ajo më tha mua pse nuk ma jep, unë i thashë dua të jem i sinqertë me publikun, pra nuk të shes dot për femër, nuk të shes dot për gjininë femërore, ti mund të jesh drejt asaj rruge po nuk të shes dot sepse mund të dalësh duke bërë dush dhe nuk të shes dot. Nëse historia do të ishte sikur djali ka dy të dashura dy femra dhe një transgjinore do të isha shumë në rregull.

Të them të drejtën e mori pak personale, unë i thashë mos e merr personale, nuk është diskriminim. Të respektoj për atë që ke vendosur të bësh me jetën tënde. Në bëmë një temë për disa njerëz të cilët dhunonin apo ngacmonin seksualisht qytetarë të ndryshëm tek Kodrat e Liqenit. Nuk e di pse pati një sulm sikur ne i paragjykuam, unë nuk i paragjykoj aspak, unë dua që në këtë shtet të respektojë ligjet dhe rregullat e këtij shteti. Është ligji mbi të gjitha.