Dua Lipa më e lumtur se kurrë me të dashurin e ri

Dua Lipa dukej më e dashuruar se kurrë teksa u shoqërua me të dashurin e ri Romain Gavras, 41 vjeç, në Hotel du Cap-Eden-Roc gjatë Festivalit të Filmit në Kanë të dielën.

Këngëtarja 27 vjeçe, u pa në krahët e të dashurit të saj të ri, ndërsa çifti ecte nëpër hotelin e tyre, siç shihet edhe nga fotot e DailyMail.

Çifti që deri më tani e kanë mbajtur lidhjen e tyre shumë private nuk mund t’i mbanin duart larg njëri-tjetrit ndërsa ecnin të përqafuar. 

Dua kishte veshur një palë xhinse dhe një bluzë të zezë, me një çantë mbi supe.

Ndërkohë Romain ishte veshur me një këmishë të kaltër gjysmë të zbërthyer të cilën e kombinoi me një palë pantallona të shkurtra.

Dyshja morën vëmendjen e mediave duke bërë debutimin e tyre si çift në tapetin e kuq në Festivalin e 76-të të Filmit në Kanë të premten në mbrëmje.

Një burim i tha tabloidit britanik The Sun: “Dua dhe Romain janë njohur në heshtje për disa muaj. Ata kanë qenë duke shijuar kohën së bashku dhe kanë shumë të përbashkëta. Dua e di se sa e rëndësishme është të gjesh dikë që e kupton industrinë e saj. Ajo ndjen se Romain e kupton plotësisht. Të dy janë njerëz vërtet krijues”, tha burimi pranë çiftit.