'Ka ardhur për seks, jo për dashuri', Visjan Ukcenaj - vajzave të Love Story: Refuzojeni

Sot në “Talk Love Story” i ftuar ka qenë aktori i njohur i humorit Visjan Ukcenaj në rolin e opinionistit. Ai ka komentuar se si e ka parë takimin e parë të Kristit me konkurrenten e re, Marinela dhe u bëri thirrje vajzave ta refuzojnë fronistin. 

Visjan Ukcenaj: Dukej që ishte shumë provokative, kishte dëshirë të shkonte direkt në ‘thelat e muhabetit’ ta themi në gjuhë popullore. Nuk e di tamam synimin e saj. Po ishte shumë provokative për një takim të parë. Sa filloi dy fjalitë e para…

Kristi: Në fakt më pëlqen ai ekstremiteti, ajo tërheqja që kishte…

Visjan Ukcenaj: Ty të pëlqen se ti ke ardhur vetëm për seks, nuk ke ardhur për dashuri. Kristi i ndërron vajzat, i zgjedh të gjitha dhe ndonjë ditë do zgjedh ndonjërën që është në korridor, që nuk është fare këtu. Unë problemin e kam me gocat që pranojnë të shkojnë me Kristin. Pse nuk kanë një vetëvlerësim që ta refuzojnë, pasi ky tipi është vetëm për histori seksi, do t’i ndërrojë vazhdimisht dhe gocat duhet të kenë pak dinjitet dhe të mos shkojnë të gjitha, i zgjedh sot, nesër zgjedh një tjetër. Ai kërkon adrenalinë. Është njësoj si motorist dhe është me 300 kilometra në orë dhe kap çfarë të kapi.