'VIP-at shqiptarë përdorin lëndë narkotike në Bllok", Graciano sqaron deklaratën e bujshme

Xing

E Premte 22 Maj 2020, 21:09 / Kategoria Showbiz shqiptar /  Read in English

Balerini i njohur Graciano Tagani ishte pasditen e sotme i ftuar në emisionin "Rudina" në Tv Klan. Para pak kohësh ai ka deklaruar se "VIP-at shqiptarë përdorin lëndë narkotike në Bllok" dhe deklarata e tij bëri bujë të madhe në media.

Moderatorja Rudina Magjistari e ka pyetur pikërisht rreth kësaj çështje duke kërkuar që Graciano ta sqarojë më hollësisht deklaratën e tij.

"Graciano duam të ndalojmë tek disa deklarata që ti ke bërë. Dua të sjell tani titujt në portale, të cilat t’u dedikuan sepse provokove shumë me atë që the dhe dua ti lexoj tani: “Graciano Tagani u nxjerr të palarat VIP-ave shqiptarë: Përveç kokainës, çfarë nuk pinë tjetër në Bllok”. Pra ke bërë disa deklarata të forta. I ke bërë fillimisht në një program në “Ora News” dhe më pas lajmi u shpërnda në të gjithë portalet", e pyeti moderatorja.

Graciano është shprehur se deklarata e tij është nxjerrë jashtë konteksti sepse ai e ka thënë në formë shakaje.

"Ideja është që unë nuk e kam thënë fare në atë kontekst, sepse portalet tona të famshme dihet se si i transformojnë gjërat. Unë kam thënë, që ka qenë mënyrë shakaje, që të gjithë pinë substanca të ndryshme.

 Puna e shakasë, kur unë e thashë nuk akuzova as VIP-at asnjë njeri, ideja ishte që kur del në clube, konsumon për veten tënde, thashë ti e ke marrë vesh se nuk konsumohet gjë, në mënyrë shakaje, nuk akuzova njeri dhe as nuk e kisha personalisht me njeri. Tani dihet, njerëzit kur dalin pinë, dëfrehen, është jeta e tyre, të bëjnë ca të duan, në këtë kontekst e kisha", tha balerini.