14 çiftet VIP shqiptarë që kanë mbi 10-20 vjet diferencë moshe

Xing

E Enjte 7 Mars 2019, 22:10 / Kategoria XingFeed /  Read in English

Një shprehje thotë “Dashuria nuk njeh moshë”, megjithatë shpeshherë diferenca në moshë bëhet debat kur bëhet fjalë për personazhe publikë. Kështu ndodhi edhe kur u zbulua lidhja e Adelina Tahirit me avokatin maqedonas Serjoza Markov.

1.Serjoza është 51 vjeç ndërsa Adelina, 27. Pra çifti kanë 24 vite diferencë megjithatë kjo nuk ka ndikuar aspak te lidhja e tyre. Çifti janë të martuar dhe prindër të një djali.

2.Alketa Vejsiu e ka mbajtur gjithnjë hermetike jetën private dhe foto të saj me bashkëshortin nuk ka. Por edhe moderatorja shumë e dashur për publikun ka diferencë në moshë nga bashkëshorti me 15 vite. Alketa është 35 vjeç ndërsa bashkëshorti i saj 50. Alketa është njohur me bashkëshortin në moshën 19-vjeçare dhe janë prindër të dy fëmijëve.

3.Diferenca në moshë nuk ka penguar as Ridelsa Sejdijan dhe Ajdin Sejdijan të jetojnë një martesë të suksesshme prej vitesh. Ajdin Sejdija është 66 vjeç ndërsa Riselda 33. Çifti publikon shpesh foto e video nga pushimet e tyre duke treguar se martesa po u shkon për mrekulli. Ata janë prindër të një djali.

4.Eni dhe Genci janë një nga çiftet më të komentuar së fundmi dhe diferenca e tyre në moshë ishte çështja e parë që u diskutua kur u zbulua lidhja e tyre. Genci është 37 vjeç ndërsa Eni 22. Pra çifti ka 15 vite diferencë, transmeton Xing.al

5.Armina dhe Shkëlzeni janë prej vitesh në lidhje dhe së shpejti pritet të bëjnë edhe dasmën. Edhe ata janë komentuar shumë për diferencën në moshë e cila është 14 vite. Shkëlzeni është 42 vjeç ndërsa Armina 28. Megjithatë kjo nuk ka ndikuar aspak në marrëdhënien e tyre dhe çifti janë shumë të dashuruar.

6.Edhe Andrra dhe Sinani, një nga çiftet më të dashur për publikun kanë diferencë në moshë. Andrra është 23 vjeç ndërsa Sinani 43. Pra çifti kanë plot 20 vite diferencë, por mosha nuk ka qenë pengesë në lidhjen e më pas martesën e tyre. Andrra dhe Sinani janë prindër të një djali.

7.Kantautori shumë i dashur për publikun, Gjergj Leka është i fejuar me regjisoren Erisela Marko. Çifti ka 22 vite diferencë por vitet nuk përbëjnë problem as për ta, transmeton Xing.al

8.Bojken Lako dhe Semi Jaupaj janë gjithashtu ndër çiftet më simpatikë të shoëbizit, por edhe ata kanë diferencë në moshë. Bojkeni është 43 vjeç ndërsa Semi 25. Pra dyshja kanë 18 vite diferencë.

9.Por edhe Sara me Ledionin ndonëse duken si një çift moshatar për shkak se të dy kanë stil modern, në fakt Ledioni është 10 vite më i madh se Sara. Ledioni është 32 vjeç ndërsa Sara, 22. Çifti janë prindër të një djali me emrin London Noor, transmeton Xing.al

10.Devis Xherahu, këngëtari shumë i dashur për publikun është i lidhur me ish-Miss Shqipëria, Ertemiona Mejdani. Devisi dhe Ertemiona kanë një diferencë moshe prej 17 vitesh. “Nuk e kemi ndjerë diferencën”, tha Devisi në një intervistë pak muaj më parë.

11.Blero dhe Afrona, çifti nga Kosova që së shpejti do e kurorëzojnë dashurinë e tyre në martesë kanë 14 vite diferencë. Blero është 41 vjeç ndërsa Afrona 27.

12.Bieta Sulo dhe Alban Dudushi kanë 13 vite diferencë. Albani është 46 vjeç ndërsa Bieta 33 vjeç. Çifti dy vite më parë u bënë prindër të një djali.

13.Aktori i mirënjohur shqiptar, Artan Imami është i martuar me modelen 20 vite më të re, Florenca Bellova. Florenca është vajza e tezes së Rovena Dilos. Artani dhe Florenca janë prindër të një vajze.

14.Zaimina dhe Klodi janë po ashtu një çift me diferencë moshe, por kjo nuk ka ndikuar aspak tek marrëdhënia e tyre e këtë e vërtetojnë 15 vitet që kanë së bashku. Çifti kanë 10 vite diferencë dhe vitin e kaluar u bënë prindër të një vajze./Xing.al

Këshilla për Marketingun