Vdes muzikanti i njohur i grupit Bon Jovi

Ka ndërruar jetë në moshën 70 vjeçare, muzikanti i grupit Bon Jovi, Alec John Such. Lajmin e bëri të ditur grupi i njohur përmes një njoftimi në rrjete sociale.

Shkaku i vdekjes së John Such ende mbetet i panjohur, megjithatë grupi ka mbetur zemërthyer nga vdekja e basistit të parë të tyre.

”Ne jemi të lënduar kur dëgjojmë lajmin e mikut tonë të dashur Alec John Such. Ai ishte origjinal. Si një anëtar themelues i Bon Jovi, Alec ishte pjesë përbërëse e formimit të grupit. Për të qenë i sinqertë, ne gjetëm rrugën drejt njëri-tjetrit përmes tij. Ai ishte një shok fëmijërie me Tico dhe solli Richie të na shihte të performonim”, thuhet në deklaratën e tyre.