16 Maj 2022, 10:33

Nisi plazhi: Bregdeti mbushet me vizitorë nga vendi, Kosova dhe të huaj

XING

Nisi plazhi: Bregdeti mbushet me vizitorë nga vendi, Kosova dhe të

Sezoni turistik u hap më 3 maj, por kjo është fundjava e parë që ka kthyer masivisht pushuesit në plazhet e Durrësit. Temperaturat e larta kanë bërë që pushues të shumtë nga Kosova, Maqedonia e Veriut dhe vendet e BE-së të zgjedhin plazhet e Durrësit për të pushuar, jo vetëm në fundjavë.

”Nga Kosova kemi ardhur para tre ditësh. Jemi me shkollën. Jam profesor i Departamentit Mjekësor. Me nxënësit po kalojmë shumë mirë. Sezoni ka filluar dhe koha po mban mirë”, tha një pushues.

Nisi plazhi: Bregdeti mbushet me vizitorë nga vendi, Kosova dhe të

”Ka më shumë erë lirie këtu se në Itali ku çdo gjë është e programuar, e organizuar. Nuk mund të lëvizësh pa maskë askund. Edhe njerëzit janë më të qetë’‘, u shpreh një turiste.

“Do të qëndrojmë dhe 7 ditë të tjera. Durrësi është shumë i bukur, Vlora që na rekomanduan jo. Do të kthehemi sërish në Durrës”.

Strukturat akomoduese flasin për një sezon që do t’i kalojë pritshmëritë, pasi që tani interesi i turistëve të huaj dhe  është mjaft i lartë që tani.

Nisi plazhi: Bregdeti mbushet me vizitorë nga vendi, Kosova dhe të

Vlorë

Në Vlorë me rikthimin e plazhistëve shfaqet dhe trafiku në rrugët e qytetit që në orët e para të ditës së dielë. Vendas, të huaj dhe nga Kosova edhe këtu nuk munguan këtë të dielë.

“Këtu është plazh me pesë yje, pizza të mrekullueshme dhe peshk i freskët”,  shprehet një turiste e vogël nga SHBA. Sipas operatoreve turistikë, ditët e fundit ka një rritje të prenotimeve , pra janë rritur me 20%.

Nisi plazhi: Bregdeti mbushet me vizitorë nga vendi, Kosova dhe të

Velipojë

Kjo e dielë në Velipojë i ngjasonte një dite normale plazhi në muajt e verës. Pushuesit e shumtë nga Shkodra dhe Kosova, për herë të parë në gjithë këto vite, në këtë periudhe, e gjetën plazhin e pastruar.

“Problem i madh për operatoret turistik të Velipojës është mungesa e stafit”, tha një pushues.

“Edhe Shëngjin u popullua nga turistët këtë fundjavë me pushues nga Kosova që i nisën më herët pushimet”, u shpreh operator turistik, Gazmir Mehmeti.

Top Channel